Millionlab o'zbek geymerlari o'yinlarni ingliz yoki rus tilida o'ynashga majbur. UzDub buni o'zgartiradi: yirik o'yinlar birin-ketin to'liq o'zbek tiliga dublyaj qilinmoqda.
Tayyor tarjimalar
Red Dead Redemption 2
Artur Morgan va Van der Linde to'dasi hikoyasi. Asosiy syujet, lager suhbatlari va shahar aholisi to'liq o'zbekcha. Batafsil →
Grand Theft Auto V
Maykl, Franklin va Trevor — barcha 69 syujet missiyasi o'zbek tilida. Los-Santos endi tushunarli. Batafsil →
The Witcher 3
Geralt sarguzashtlari: Velen, Novigrad va Skellige. RPG janrining cho'qqisi ona tilingizda. Batafsil →
Ishlab chiqilmoqda
Mafia: Definitive Edition — Tommi Anjelo va Lost-Xeven shahri; suhbatlar tarjima qilingan, hozir ovoz yozilmoqda
Cyberpunk 2077 — Nayt-Siti; tarjima ishlari navbatda
God of War (2018) — Kratos va Atreus; rejalashtirish bosqichida
Qaysi o'yin keyingi bo'lib tarjima qilinishini jamoa emas — o'yinchilar hal qiladi. Bosh sahifadagi ovoz berishda qatnashing: eng ko'p ovoz olgan o'yin navbatga qo'shiladi.
Bu qanday ishlaydi
UzDub — mod emas, alohida tarjima dasturi. Siz litsenziyali o'yin egasisiz, biz esa unga o'zbekcha ovoz qatlamini qo'shamiz. Dasturni o'rnatasiz — o'yin o'zbekcha gapiradi. O'chirasiz — asl holiga qaytadi. O'yin fayllari hech qachon buzilmaydi.
Matn
O'yindagi barcha suhbat matnlari ajratib olinadi va mazmunini saqlagan holda o'zbek tiliga tarjima qilinadi.
Ovoz
Sun'iy intellekt har bir qahramonning asl ovoz ohangiga moslab o'qiydi. Yaxshi chiqmagan jumlalar qo'lda qayta yoziladi.
Sinov
Lab harakati, ovoz balansi va sahnaga moslik o'yin ichida tekshiriladi — shundan keyingina versiya chiqadi.
Narxlar haqida
Har bir tarjimaning o'z narxi bor — u o'yin sahifasida ko'rsatilgan va ramziy darajada belgilangan. To'lov bir martalik: keyingi barcha yangilanishlar bepul. Tushum serverlar, ovoz modellari va navbatdagi o'yinlar tarjimasiga sarflanadi — loyihani qo'llab-quvvatlash sahifasida batafsil.
Ko'p so'raladigan savollar
O'yinlarning o'zi saytda sotiladimi?
Yo'q. UzDub faqat tarjima dasturlarini tarqatadi. O'yinlarni Steam, Epic Games, GOG yoki Rockstar do'konlaridan sotib olishingiz kerak.
Telefonda (Android/iOS) ishlaydimi?
Yo'q, tarjimalar faqat PC (Windows) uchun. Konsol va telefonlar tashqi dasturlarni qo'llab-quvvatlamaydi.
Kirill yozuvida ham bormi?
Dublyaj ovozli, shuning uchun yozuv turi ahamiyatsiz — hamma narsa eshitiladi. Sayt va dastur interfeysi lotin yozuvida.
Yangi o'yin taklif qilsam bo'ladimi?
Albatta! Telegram kanalida yozing yoki bosh sahifadagi ovoz berishda qatnashing.